Ein schöner Traum. (schwäbisch)


heut nacht em Traum war i weit fort,
am Meeresstrand, am a herrlicha Ort,
die Sonn' hat g'scheint, dr Hemmel war blau,
dr Sand war warm ond d'Luft ganz lau,
dia Wella hend plätschert, i hans deutlich g'hört,
koin Mensch war da, ond hat mi g'stört.

Des Wasser plätschert, wia om d'Wett,
i wach uff ond lieg en meim Bett.

Jäh hat's mi aus meim Traum rausgrissa
i han au sofort begriffa,
daß des Wasser aus dr Spüalmaschien lauft,
oh, hät i doch an neua Schlauch neulich kauft.

Was bleibt mir übrig..i nix wia raus,
dr Strand isch vergessa, mein Traum isch aus.

Anzeige

Kommentare (0)


Anzeige