Gruppenbeitraege "I schreib au schwäbisch"

Liebe Ingrid, was send denn schwedischar pepparkokor, beschdimmt an Keks, oder?

Letscht Woch hen mir an langa Samschtich ghet, ha bis mittla en dr Nacht. Und jetzt erscht a lange Museumsnacht, i woiß au net, ob mr so lang dui Bildla agugga ka.

Woisch au von wo diea Bildla aufgnomma worda send? An Traum eigentlich, wenns mir ghöra dät. S'isch beim Karstadt uffm Dach, do a scheens Wetter, draußa en Kaffee, s gibt nix bessers. Des han i für mei Freindin in Herford uffgnomma, sie war ganz begeischtert.

Mir send bei dr Mama gwäsa, s isch emmer a Drama. Eigentlich isch se gsond, aber emmer, wenn mir kommat isch se krank. Und wenn'ra bloß a Wend durchs Gedärm fährt. D' Schweschdera verdrehat scho d Auga, wenn se 10 mol am Dag kommt und a Tablett will.

Jetzt wünsch i dir no an schena Sonndich und machs guat, bis zom näschta Mol, dei Helga

[size=16][/size]

Liebe Helga,

i wois net, warom i ersch heit hier nei guckt han. Du hosch ja scho am Sonndig gschriebe. Jetzt muß i des doch au regelmäßig macha. Aber i lern emmer wieder was Neus dazu. Heit hot Susi mir gschrieba, daß i mal auf die Pinnwand von gesund abnehma gucka soll, do würd was dren schtande, wie und wo mr seine Beiträg neistellt. Na han i mir doch erscht mol alle 36 Seita noch amo durchglesa ond jetzt han i es kapiert. Dort nei werd i dann mein Schwedabericht schreiba.
Pepparkakar send natirlich Kekse, die mo aber immer essa ka net bloß zu Weihnachta.
Geschtern war i wieder bei Näha, am nächschta Mondich werda meine Sacha, die i zur Hochzig anzieha will,fertig.I lass mi dann mol fotografiera ond dann stell i mal a Bildle von mir nei. Meine Patchworkbilder send net schee, die muaß mei Mo noch amal
macha.
Glaubsch Du, daß i jetzt mal blau schreiba ko. I muaß es oifach noch amal probiera.
A liabs Griesle Dei Ingrid

Liebe Ingrid,

i han scho lang nix me glesa von dir. I han scho denkt, du bisch krank. Freit mi aber jetzt saumäßig, dass i was hör von dir. I fends net so wichtig, ob jetzt mei Schrift blau oder grün isch, Hauptsach, mr ko s lesa. Wenn mr so Bildla eifügt, des fend i schon ganz nett.

Heit isch scho wieder Mittwoch, mensch, wie d Zeit vergoht. D Sonn scheint heit wieder schee, gott sei Dank. Mensch hot des geschtern gsoicht ond gschtürmt, do hosch d Leit schprenga gsäh.

Lieabs Grüßle, dei Helga

Hallo Helga,

jetzt han i mi richtig schlau gmacht ond wois jetzt, wo i mei Gewicht eingeba kann. Han i glei heit morga gmacht. Geschtern han i unter 65 kg ghätt, aber heit frü, ware es wieder 65,1 kg. Irgenwie kom i von de 65 kg net ronder. Aba wir arbeita dran, geschtern han i a Wirsingsupp mit Räucherlachs gekocht, älles ohne Kohlehydrat und die werd i heit sogar zwoimal essa. Jetzt will i aber no Muffins backa, i han mol so richtig Honger auf a bissle Kucha. Mr gennt sich jo sonsch nix. Im meinem Gäschtebuch hot mir a Schwäbin a Griesle gschrieba. Der will i doch gleich au amol oschreiba, ob se net Luscht hat, hierher zu komma.
I wensch dr noch en scheena Nachmiddag. Heit abend geh i in mein Patchworkkurs hier im Flecka. Isch fei gar net so oifach mit dem schwäbisch schreiba.
A liabs Griesle, Dei Ingrid

Hallo Ingrid,

des kannsch laut saga, dass des net so oifach isch, mit dem schwäbischa schreiba. Do hot mei Ex-Schwiegermutter emmer gsagt, i han mir des hochdeitsch so ogwehnt, dass i s nemme lau ko.

Heit war mei Schweschdr do, sie wohnt seit letschda Oktober in Serbien, no könne mir uns nemme so oft säh, scho a weng schad. Mir hen zamma an Schweinebrota ond Spätzla gessa, s hot'ra guat gschmeckt.

Jetzt wünsch i dir en scheena Obend und ganz liabe Grieas, vo deira Helga