Die größte Offenbarung ist die Stille


Die größte Offenbarung ist die Stille

 
Ab ma gwissa Alter, jemine,
tut jeden Tag was Anderes weh.
Em Kreuz dohenda ziepts on zuckts,
fragsch dei Gedächtnis, sechts koin Mucks.

Verliera dusch jetzt Haar on Zeeh,
dr Kopf duad emmer efters weh.
Anstatt di mittem Hörrohr plagsch,
hörsch bloß no, was du höra magsch.

Hasch früher bei dr Arbeit gsonga,
heut, strengsch di an, scho pfeifet d'Longa.
Rheuma, Gicht on Ischias,
dess Zuigs vergällt oem jeden Spaß.

Hasch dann no d'falsch Brill auf dr Nasa,
kannsch wirklich bloooß no Trübsal blasa.
I sags ned gern, s'isch echt a Graus - - -
uff oimal denksch, dr Zug isch naus.
( ä l l e s    a u s )

Rein äußerlich merkt mrs ned glei,
zom Glück sieht koiner en oen nae.
Total verwirrt isch jetzt au eba,
dess komplizierte Seela-Leba.


*  *  *  *  *

003.gif

Doch plötzlich schlecht des Hirn "Alarm",
dir wird’s bis iber d'Ohra warm.
Du recksch dein Hals, dein Kopf end Höh,
uff oimal duat fascht nix me weh.

Du wirschs kaum glauba, ohne Faxa,
bisch glatt fenf Zentimeter gwachsa.
Vergessa sen zwei Dutzend Jahr,
vergessa au dia lichte Haar,
dia Auga strahlet, s'Göschle lacht - - -
wer hat dess Wonder wohl vollbracht?

Es isch dess Treffa mit Bekannte,
mit liebe Freund ( Verliebt ) on Anverwandte.
Beim Babbla, Lacha, beim Verzähla,
vergisst mr d’Sorga, die oen quäla.

Mr spült se mitma Schlückle nonder ,
on fühlt sich wieder frisch on monder.
Gemeinsam fühlt mr sich geborga ---
mr merkt, ao andere hen Sorga.


On schließlich isch doch jederzeit ...
Geteiltes Leid nur halbes Leid.


_012.gif



  

Hoffentlich biste mir ned böse, wenn i trotzdem drauf bestehe:
Die größte Offenbarung ist   (zumindest für mich)  eben doch ...  die Stille !

Ein Sonntagsgrüßle von debi23.gif

 

Anzeige

Kommentare (5)

Tessie

Oifach nur scheee und en Genuss! Lachen Erscht grad entdeckt! Daumen hoch
Sonnige Dienstagsgrüße Sonne

Irene

debi

@Tessie  
   emotion-sorry-smilie_001.gif I hab ao erscht grad em Augablick gseha, dass nommel äbber dohanna raeguggt hat :P und daher ganz schnell lieben Dank für den netten Gruß und natürlich auch für das zugesteckte Herzle.
Dir ein schönes Wochenende und bis zum nächstenmal
tschüß - debi  Lachen
 

protes

ja,ja so ischs halt middem alter
mer wird en rechde zeidverwalder
uffm kopf wirds blezlich schnee
 un zum gligg dud des ned weh

ich finds ald sei no ganz schee
lg hade

debi

@protes   Daumen hoch  danke für den Gruß
So isch‘s eba ... nunmal im Leba ... Irgendwann ... sen älle dran ... am Gegrübl ... über dia Übl ...
   An Genuss war einscht Tangotango.gif
   fango.gif     Heit freusch di am  (em)  Fango !!!
Manchmal wär's vielleicht doch scheener, wenn dui Jugend a weng später stattfenda dät.
I schick Dir viele Grüßle
debi
 

debi

        
       blume_u_276.gif     Danke an  Monalie   
Ich freue mich, dass Du wieder hereingeschaut und ein Herzchen spendiert hast.
Schöne Sonntagsgrüße
debi love.gif

 


Anzeige